Татварын албыг орчин үеийн мэдээллийн технологид түшиглэсэн, татвар төлөгчдийн итгэлийг хүлээсэн шуурхай, найдвартай үйл ажиллагаатай болгон улам чанаржуулах нь манай албаны эрхэм зорилго бөгөөд татвар төлөгч танд хуулиар хүлээсэн үүргээ биелүүлэхэд тань эелдэг, зөв үйлчилгээг үзүүлэн найдвартай тэгш харилцааг эрхэмлэн ажиллахаар зорьж байна.
Налайх татварын хэлтэс нь “Татварын албаны үйл ажиллагааны шинэчлэлийг гүнзгийрүүлж, инновацийн удирдлага, менежментийн шилдэг арга ухаан, дэвшилтэт технологи, мэдлэгт суурилсан, өндөр ур чадвартай мэргэжлийн хүчирхэг хүний нөөц бүхий орчин үеийн цахим татварын албыг бий болгон хөгжүүлэх” хэмээн энэхүү зорилгоо биелүүлэх, бодит үр дүнд хүргэхийг зорин ажиллаж байна.
Монгол улсын хөгжил цэцэглэлт, хөгжлийн шинэ хандлага, ирээдүй хойч үедээ үлдээж байгаа баталгаа, бүтээн байгуулалтад бодит хувь нэмэр оруулж байгаа татвар төлөгч нийт аж ахуйн нэгж, ард иргэддээ улс эх орныхоо өмнө хүлээсэн үүргээ нэр төртэйгөөр биелүүлж байгаад талархаж, ажил үйлс, бизнесийн амжилт, эрүүл энх, хамгийн сайн сайхныг чин сэтгэлийн угаас хүсч ТАТВАР ТӨЛӨГЧ ТАНД БАЯРЛАЛАА.
Налайх дүүргийн
Татварын хэлтсийн дарга Ц.Алтанцоож
