ТЕГ-аас мэдээллийн технологийн сүүлийн үеийн дэвшлийг ашиглан  шинэлэг үйлчилгээг татвар төлөгч нарт зориулан нэвтрүүлэхээр ажиллаж байгаагийн нэг бол ухаалаг гар утасны “MTA’ програмыг (application) хөгжүүлэннийтийн  хүртээл болгож байна. Тухайн програм нь татвар төлөгчийг мэдээ мэдээллээр хангах, эрсдлээс урьдчилан сэргийлэх зорилготой юм. “Цахим засаг” үндэсний хөтөлбөрт тусгагдсан мэдээлэл, харилцаа холбооны түгээмэл хэрэглээ болсон хөдөлгөөнт холбоонд суурилсан цахим засгийн үйлчилгээг нэвтрүүлснээр иргэн бүр хэрэгцээтэй үйлчилгээг шууд гар дээрээсээ хүртэх боломжийг ТЕГ бүрдүүлэхээр ажиллаж байна.  
 
Ухаалаг гар утасны програмаар дамжуулан мэдээ, мэдээлэл унших, тайлан тушаах хугацаа харах, татвар төлөх дансны мэдээлэл авах, татварын албадын байршил, албан ёсны хаяг, утасны лавлах авах, татвар албаны цахим үйлчилгээний веб хаягууд, татварын хууль, түгээмэл асуулт, хариултыг авахаас гадна НӨАТ төлөгч иргэн, хуулийн этгээдийн жагсаалт, хуурамч НӨАТ-ын падааны зөрчилтэй татвар төлөгчийн жагсаалт, үйл ажиллагаа явуулдаггүй аж ахуйн нэгжийн жагсаалт, татварын албанаас зүгээс эрэн сурвалжилж байгаа хаяг байршилдаа байдаггүй, тайлан тооцоо хийдэггүй татвар төлөгчдийн жагсаалтуудаас хайлт хийх  боломжийг бий болгосон.

 
Програм татаж авах:

Iphone(IOS)-ны хэрэглэчид:

http://itunes.apple.com/us/app/mta/id721102923

Android төрлийн утастай хэрэглэгчид:

https://play.google.com/store/apps/details?id=com.mezorn.mta.mobile
           

Программын харагдах байдал

Нүүр хуудас	Татвар төлөгчийн тухай мэдээлэл /НӨАТ төлөгч, Хуурамч падаан тараасан, НӨАТ төлөгчөөс хасагдсан, Үйл ажиллагаагүй явуулаагүй, Эрэн сурвалжилагдаж байгаа/	НӨАТ-ын падаан шалгах	Татварын албан тухай мэдээлэл